İmkanın artması, vəsvəsədən amanda qalmaq, hacətin yerinə yetməsi – “Duxan” surəsinin fəzilətləri

“Duxan” surəsi Quranın 44-cü surəsidir ki, Məkkədə nazil olmuşdur və 59 ayəsi vardır.

Həzrət Peyğəmbər (s) buyurur: “Hər kim “Duxan” surəsini gecələri qiraət edərsə, Allah onun keçmiş günahlarını bağışlayar”.

Başqa bir hədisdə oxuyuruq: “Hər kim cümə gecəsində “Duxan” surəsini oxuyarsa, bağışlanar”. (Tebyan)

Həzrət Rəsuli-Əkrəm (s) başqa yerdə buyurur: “Hər kim cümə gecəsində və ya gündüzündə “Duxan” surəsini oxuyarsa, Allah behiştdə onun üçün ev tikər və hər kim cümə gecəsində bu surəni oxuyarsa, o halda səhər edər ki, Allah onu bağışlamışdır”.

İmam Baqir (ə) buyurur: “Hər kim “Duxan” surəsini vacib və nafilə namazlarında oxuyarsa, Allah onu Qiyamət günü imanlılar zümrəsində canlandırar. Ərşinin kölgəsində yer verər, hesabını asan edər, əməl dəftərini sağ əlinə verər”.

Bu surənin bərəkətləri.

1. Cinin şərindən amanda olmaq. Əgər bu surəni yazıb, körpəyə bağlasanız cin və sancanların şərindən amanda olar.

2. Hacətin yerinə yetməsi. İmam Sadiq (ə) buyurur: “Hər kim 70 dəfə bu surəni oxuyarsa, hacəti yerinə yetər. Hər kim bu surəni yazar və özü ilə gəzdirərsə, xəlq onu sevər”.

3. Şeytani vəsvəsədən xilas olmaq. Həzrət Peyğəmbər (s) buyurur: “Əgər “Duxan” surəsini yazsanız və özünüzlə gəzdirsəniz, şeytanın hiyləsindən amanda olarsınız. Əgər bu yazını gecə başınızın altına qoysanız, şirin yuxular görərsiniz”.

4. Baş ağrısının aradan getməsi. Əgər bu surəni yazsanız və suyunu başı ağrıyan insana içizdirsəniz, yaxşı olar.

5. Malın artması üçün. Əgər bu surənin yazılmışını tacir öz dükanında qərar verərsə, çoxlu qazancı olar və malı artar.

Mənbə: Deyerler.org

Bir cavab yazın

This site uses Akismet to reduce spam. Learn how your comment data is processed.

Spelling error report

The following text will be sent to our editors: