Yer kürəsi – kainatın ancaq bir parçasıdır. Başqa aləmlər də vardır

Böyük Əhli-beyt (ə) alimi Seyyid Şəhristaninin kitablarına nəzər salan zaman, bu yeddi səmadan uzaqlarda da yaşayışın olduğu həqiqətinə çata bilirik.

Bu böyük alimin sonsuz elminə əsasən Yer kürəsi – ancaq bir kainatın parçasıdır. Bundan başqa da kainatlar vardır. Onların da özünəməxsus məxluqları vardır ki, nitqə malikdirlər. Ancaq rabitələrin olmamasına görə nə onların bizdən xəbərləri vardır və nə də bizlərin onlardan.

Əhli-Beytin (ə) məşhur hədis kitabları İmam Sadiqin (ə) dilindən buyurur: “ALLAHın 12 min aləmi vardır ki, hər biri yeddi səma və yerdən daha böyükdür. Onlardan heç birinin özlərindən qeyri aləmlərdən xəbərləri yoxdur”.

Bu hədis açıq şəkildə bildirir ki, varlıq aləmi mürəkkəbdir. Minlərlə aləm vardır və hər bir aləmin öz səma və torpağı möcvuddur. Bu kainatlarda aqil varlıqlar yaşayırlar.

İmam Sadiq (ə) başqa yerdə buyurur: “Mədinə alimi (yəni Həzrətin (ə) özü) gecə və gündüzün bir saatı ərzində bir şəmsi ilini gedə bilər. 12 min aləmdən keçər ki, hər biri sizin aləm kimidir. O aləmlərin əhalisi Adəm (ə) və iblisin varlığından xəbərdar deyildirlər”.

İmamın (ə) mübarək kəlamında məqsəd – mənəvi seyrdir. Yəni, ruhu həmin aləmlərə nüfuz edib, orada olanları görə bilir.

Başqa bir hədisdə İmam Səccaddan (ə) oxuyuruq: “Sənə elə bir insanı nişan verim ki, sən bu məclisə daxil olan anda on dörd aləmdə gəzmişdir və hər aləm bu cahanın üç bərabəri qədərdir? Bu qısa zamanda həmin kişi etdiyi bütün bu seyrlər zamanı öz yerindən hərəkət belə etməmişdir?”. Soruşurlar ki, o kişi kimdir? Həzrət (ə) buyurur: “Mənəm”.

İbn Abbas yazır: “ALLAHın Qafın və yeddi dənizin arxasında 310 aləmi vardır ki, o aləmlərin insanları bir göz qırpımında belə ALLAHa itaətsizlik etməyiblər. Nə Adəmi tanıyırlar və nə də övladlarını”.

Əbu Həmzə Somali nəql edir: “Bir gecə İmam Baqirin (ə) xidmətində idim. Həzrət (ə) səmaya nəzər saldı və buyurdu: “Bu, atam Adəmin qübbəsidir. ALLAHın bu qübbədən savayı, 99 qübbəsi vardır. Onlarda elə məxluqlar vardır ki, bir göz qırpımında belə ALLAHa günah etməyiblər””.

Mənbə: Deyerler.org

Saytın materiallarından istifadə edərkən halallıq üçün istinad vacibdir!

Bir cavab yazın

This site uses Akismet to reduce spam. Learn how your comment data is processed.

Spelling error report

The following text will be sent to our editors: