Uca ALLAHın izni ilə ruzuni artırmağın bir çox gözəl yolları vardır ki, onlardan ruzi artırmağın 10 yolunu sizlərə təqdim edirik.
- Camaata ehsan etmək.
Peyğəmbər (s) buyurmuşdur: “Camaata yemək ehsanı verən şəxsin ruzisi, bıçağın dəvənin belinə batmasından daha tez gələr”.
- Həmişə təharətli olmaq.
Peyğəmbər (s) ruzi bolluğu istəyən şəxsə buyurdu: “Həmişə təharətli ol, ruzin artar”.
- Sədəqə və zəkat vermək.
Peyğəmbər (s): buyurmuşdur: “Çoxlu sədəqə verin ki, Allah sizə ruzi yetirsin”.
İmam Əli (ə) buyurmuşdur: “Sədəqə verməklə ruzini (yerə) endirin”.
İmam Baqir (ə) buyurmuşdur: “Zəkat vermək ruzini artırar”.
- Başqalarına maddi kömək etmək.
İmam Əli (ə) buyurmuşdur: “Din qardaşına maddi kömək etmək ruzini artırar”.
- Əmanətdar olmaq.
İmam Əli (ə) buyurmuşdur: “Əmanətə sadiq qalmaq ruzini artırar”.
- Xoş niyyətli olmaq.
İmam Əli (ə): buyurmuşdur: “Xoş niyyətli olanın, ruzisi çox olar”.
- Din qardaşına dua etmək.
İmam Baqir (ə) buyurmuşdur: “Həmişə din qardaşına dua et ki, bu əməl ruzini sənə tərəf yönəldər”.
- Ailədə mehriban olmaq.
İmam Sadiq (ə) buyurmuşdur: “Ailəsi ilə mehriban davrananın ruzisi artar”.
- Yaxşı işlər etmək.
İmam Sadiq (ə) buyurmuşdur: “Yaxşı işlər görmək ruzini artırar”.
- Gözəl əxlaqlı olmaq.
İmam Sadiq (ə): “Gözəl əxlaq ruzini artırar”.
Mənbə: weIslam Komandası/Ahlibeyt.ge (Original post name – “Ruzini artırmaq üçün 10 açar”)
Saytın materiallarından istifadə edərkən halallıq üçün istinad vacibdir! Əks halda halallıq verilmir!