Niyə möminlə kafirin məsəli göz və qulaqla müqayisə edilir?

Quran buyurur: “Bu iki dəstənin (kafirlərlə möminlərin) məsəli korla kar və görənlə eşidən kimidir. Məgər bu ikisi sifət və hal baxımından birdirlər? Məgər ibrət götürmürsünüz?!”. (“Hud” 24).

Allah Təala bu mübarək ayədə kafirlə mömin haqqında məsəl çəkmiş və onları kar, kor, eşidən və görən insanlara bənzətmişdir. Çünki iman vətəqva möminin görməyinə və eşitməyinə səbəb olar. İmansızlıq, təəssübkeşlik, tərslik – əksinə insanı kar və kor edər.

Göz – Allahın insana verdiyi ən böyük nemətlərdəndir. Allahın qüdrətini dərk etmək üçün elə bu kifayətdir ki, gözün quruluşunu araşdıraq.

Allah bu sadə üzv vasitəsilə o qədər çətin işlərin yerinə yetirilməsini təmin edir ki, insanı heyrətə gətirir. Bu piy parçası həm özü möcüzəvi quruluşa malikdir, həm də fəaliyyəti möcüzəvidir.
Qulaq da onun kimidir. Onun quruluşu göz kimi qəliz olmasa da, ancaq Allahın qüdrətindən xəbər verir. Qulaqda olan sümüklər elə yerləşiblər ki, ən zəif səslərin təsirindən hərəkətə gələr və insana həmin səsi eşitdirər. İnsan ömrü boyu əldə etdiyi bilikləri və məharətləri gözü və qulağı vasitəsilə qəbul edər. (Həvzəh)

Allah Təala bu ayədə kafirləri ona görə kar və kor adlandırmışdır ki, küfr insanın görmə və eşitmə qabiliyyəti önündə pərdə qurar və ona həqiqətlərin daxil olmasına mane olar. “Allah onların qəlblərinə və qulaqlarına (bədbəxtlik) möhür(ü) vurmuşdur və onların gözlərində (qəflət) pərdə(si) vardır”. (“Bəqərə” 7).

Allah qarşısında tərslik etməkləri, Ona təslim olmamaqları və başqa rəzil sifətlər sayəsində bu insanlar görmürlər və eşitmirlər.
Ancaq o zaman ki, insan qəlbinə iman daxil olur, onu zülmətdən çıxardıb nurani edər. Ona görə də Allah buyurar: “Allah iman gətirənlərin dostu və başçısıdır. Onları (nadanlıq, küfr və itaətsizliklik) qaranlıqlar(ın)dan (elm, iman və təqva) nur(un)a tərəf çıxarır. Kafir olanların başçıları isə azğın və itaətsizlərdir ki, onları (hidayət) nur(un)dan (azğınlıq) zülmətlər(in)ə tərəf çıxarırlar”. (“Bəqərə” 257)


Mənbə: Deyerler.org

Saytın materiallarından istifadə edərkən halallıq üçün istinad vacibdir!

Bir cavab yazın

This site uses Akismet to reduce spam. Learn how your comment data is processed.

Spelling error report

The following text will be sent to our editors: