Fitr – bağışlanmış insanların bayramıdır. Bu bayramı necə keçirmək lazımdır?
Fitr bayramı o bayramlardandır ki, müsəlmanlar bir ay özlərini günahdan və hətta halal nemətlərdən çəkindirərək, Allaha yaxınlaşmağın ləzzətini dadarlar. Bu, elə bir bayramdır ki, bütün oruc tutanlara günahlarının bağışlanmasının müjdəsini verər.
Bayramın qeyd olunması hər bir bəndənin kamal və mənəvi meyarlarından asılı olar. Bizim üçün Məsumlarımız (ə) kamil insan olduqları üçün, onların bayram keçirtmək tərzinə bir nəzər salaq və ibrətlər götürək.
Həzrət Peyğəmbər (s) buyurur: “Bayramlarınıza təkbirlə zinət verin”.
İmam Səccad (ə) buyurur: “Sizlərin hamısı gərək bayram günündə qüsl alıb, zinətlənib bəzənəsiniz. Həmin gün üçün daxil olan dualardan bacardığınız qədərini oxuyun. Məbada elə iş görəsiniz ki, sizin zahiri simanızı gözəl və əməlinizi çirkin etsin”.
İmam Əli (ə) buyurur: “Bayram qüslü o kəslərin paklığına səbəb olar ki, ehtiyaclarını istəmək üçün Allah dərgahına üz tutarlar və həm də (Peyğəmbər (s)) yolunun ardınca getməkdir”.
İmam Baqir (ə) buyurur: “O paltarlarla ki, özünüzə zinət verirsiniz, bayram və cümə namazlarında onu geyinin”.
Həzrət Peyğəmbər (s) buyurur: “O kəs ki, bayram gecəsini oyaq qalar, qəlblərin öldüyü gün qəlbi ölməz”.
Bəli, Fitr bayramının hədiyyəsi biz insanların adət etdiyi kimi hədiyyələr deyildir. Belə ki, İmam Baqir (ə) buyurur: “Allahın mükafatı bu padşahların mükafatı kimi deyildir”.
Həsən ibni Raşid İmam Sadiqə (ə) deyir: “O kəs ki, Ramazan ayının orucunu tutar, Qədr gecəsində bağışlanar”. İmam (ə) buyurur: “Ey Həsən! İşçiyə işi bitəndən sonra muzd verərlər və bu, Fitr bayramı gecəsindədir”.
İmam Əli (ə) buyurur: “Bu gün elə bir gündür ki, Allah onu sizin üçün bayram qərar vermişdir. Sizi də ona layiq etmişdir. Ona görə də Allahı yada salın ki, O, da sizi yada salsın. Onu çağırın ki, istəklərinizi yerinə yetirsin”.
İmam Əli (ə) buyurur: “Bu gün o kəsin bayramıdır ki, Allah orucunu qəbul etsin, (namaz və gecə oyaq qalmağının) mükafatını versin”.
İmam Əli (ə) buyurur: “Bu gün o kəsin bayramıdır ki, bağışlanmışdır”.
Mənbə: Deyerler.org
Saytın materiallarından istifadə edərkən halallıq üçün istinad vacibdir!
