Ramazan ayı insanın özü ilə qarşılaşdığı, kimliyini təsbit edə biləcəyi bir aydır. Rəbbimiz 124 min peyğəmbər, 4 böyük Kitab göndərib ki, insan öz kimlyini tanısın. Əsil kimlyini tanıyan insan, haralı olduğunu bilsə, hara gedəcəyini öyrənsə – fərqli yaşam tərzi sürər.
Bu mübarək ayda bəziləri mələkut aləminə səyahət edir, adını Rəbbi yanında olan bağışlanmışların siyahısına salmaq üçün çalışır, bəziləri isə sözün hərfi mənasında adını göylərə səyahət edənlərin siyahısına salmaq istəyir. Belə ki, günümüzdə trendə dönən NASA-nın “Adını Marsa göndər” kampaniyası buna bariz nümunədir.
İnsanlar dünyanın müxtəlif yerlərindən bu siyahıya düşmək üçün qeydiyyatdan keçib, adlarını bu siyahıya salırlar. Belə ki, 2020-ci ildə Marsa yola salınacaq kosmik gəmidəki çiplərə adlar yazılaraq, Marsa göndəriləcək. Həmin şəxslərə NASA-nın xüsusi xatirə bileti də təqdim olunacaq.
Bu kampaniyaya liderlik edən ölkə – Türkiyə kimi bir müsəlman ölkəsidir. Müsəlmanlar özlərinə gündəm təyin etməsələr, onlara elə gündəmlər təyin edilər ki, bir də ayılarsan ki, mübarək ayın ortasında adını Marsa gedənlərin siyahısına salmısan, amma Rəbbinin bağışladığı şəxlərin siyahısında yerin boş qalıb.
Digər vaxtlarda dini ayinlərin icrasını bihudə işlərdən sayanlar, nədənsə adını Marsa gedənlərin siyahısına salanlar üçün fərqli yanaşma ortya qoyur. Bunu elmin, tərəqqinin, estetikanın adına yazaraq, don geyindirir. Amma iş, əslində sadəcə söz oyunundan başqa bir şey deyil.
Rəbbimiz bizi özbaşına buraxmasın və öncəliklərimizi aqibətimizlə bağlı mövzular etsin…
Mənbə: Deyerler.org
Saytın materiallarından istifadə edərkən halallıq üçün istinad vacibdir!
