Şaban ayınız xeyirli olsun!

Shaban_mubarak_2018_weIslam_az (1)

Bu il aprelin 17-si məğrib azanından sonra şaban ayı daxil olur. Beləliklə, aprelin 18-i şaban ayının ilk günüdür.

Şaban ayı mübarək Ramazan ayına son hazırlıq fürsəti sayılır. Hədis və rəvayətlərdə “Peyğəmbər (s) ayı” adlanan şabanda bir sıra ibadətlər tövsiyə olunub. Onlardan başlıcası orucdur. Peyğəmbər (s) özü bütün ayı oruc tutar, başqalarını da ən azı bir gün oruc tutmağa dəvət edərdi. Şaban ayını sədəqə verməklə, Allahdan əfv diləməklə və salavat söyləməklə keçirmək əsas tövsiyələrdəndir.

Şabanın hər günündə 70 dəfə “Əstəğfirullahə və əs’əluhut-təubə” (“Allah məni əfv etsin və tövbə qismət etsin!”), ay boyunca isə 1000 dəfə “La ilahə illəllah və la nə’budu illa iyyahu muxlisinə ləhud-dinə və ləu kərihəl-muşrikin” (“Allahdan başqa tanrı yoxdur, yalnız Ona ibadət edir, yalnız Onun dinini qəbul edirik, müşriklərin xoşuna gəlməsə də”) demək yaxşıdır. İmkan daxilində hər gün Şabaniyyə münacatını oxumaq da olar.

Bu ayın hər cümə axşamında 2 rəkət namaz qılmaq xüsusi namaz qılmaq olar. Həmin namazın hər rikətində «Fatihə»dən sonra 100 dəfə «İxlas» surəsi, salamdan sonra isə 100 dəfə salavat deyilir. Bu namaz dua və istəklərin qəbul olunmasına səbəb olar . Hər bazar ertəsi və cümə axşamı günləri oruc tutmaq tövsiyə olunur.

Şabanın ayının da ortaları  “əyyami-beyz” sayılır. Lakin, 15-ci gecə (nimeyi-şaban) xüsusi fəzilətə malikdir ki, həmin gecəni əhya saxlamaq tövsiyə olunur.

Qeyd edək ki, şaban ayının 3-ü imam Hüseynin (ə), 4-ü həzrət Əbəlfəzlin (ə), 5-i imam Səccadın (ə), 15-i isə həzrət Mehdinin (ə) mövlud günləridir.

 

Mənbə: Hacishahin.az

 Saytın materiallarından istifadə edərkən halallıq üçün istinad vacibdir! Əks halda halallıq verilmir!

www.weislam.az

Mətndə səhv tapmısınız? Sözü seçib Ctrl+Enter klikləyərək bizə göndərin! Əvvəlcədən təşəkkür edirik!

Bir cavab yazın

This site uses Akismet to reduce spam. Learn how your comment data is processed.

Spelling error report

The following text will be sent to our editors: