Ramazan ayının əvəzolunmaz təamı – Xurma haqqında

Xurma bir çox vitamin və mineralları özündə cəmləşdirir. Bu meyvədə yağ, kalsium, dəmir, potasium, fosfor, maqnezium və s. tərkibləri özündə birləşdirir. Mütəxəssislərin fikrincə, gündə ən az bir dənə xurma yemək sağlamlıq üçün əhəmiyyətlidir. Dinimizdə də xurma yeməyin faydaları haqda çoxlu hədislər nəql edilmişdir. Hz. Əli (ə) buyurub: “Xurma yeyin, çünki o, hər bir dərdin dərmanıdır”.

Eyni zamanda mütəxəssislər qeyd edir ki, xurma yemək bağırsaq problemlərinə, zəifliyə, ürək xəstəliklərinə və mədə xərçənginə və s. faydalıdır. İmam Sadiq (ə) bu haqda buyurub: “Hər kəs gündə acqarına yeddi ədəd xurma yesə, şeytan ona zərər yetirə bilməz. Yatan vaxtı yeddi ədəd xurma yemək qarındakı qurdları aradan aparır”.

Xurma yemək xüsusilə Ramazan ayında iftar açmaq üçün tövsiyə edilir. İftarı xurma ilə açmaq insana toxluq verərək həddən artıq çox yeməyin qarşısını alır. Bu da mədənin birdən-birə qidala ilə yüklənməsinin qarşısını alır. 100 qram xurmada 70 qram karbohidrat var. Karbohidrat beyni qlükoza ilə təmin edir və başağrının qarşısını alır. Bütün bunlardan başqa xurmanın aşağıdakı xeyirləri vardır:

Dərinin yaşlanmasının qarşısını alır, dəmir tərkibi ilə qan azlığını aradan aparır, B1, B2 vitaminlərini bir yerdə əhatə etməsi qaraciyəri qüvvətləndirir, boğaz ağrısı və öskürəyə xeyirlidir, ürək-damar xəstəliklərinə faydalıdır, sümük xəstəlikləri və s. üçün faydası danılmazdır. Oruc xurma ilə açıldığı halda orucdan qaynaqlanan halsızlıq bu meyvənin tərkibinin zənginliyi sayəsində dərhal aradan gedir.

Ümumilikdə, xurma təkcə Ramazan ayında oruc açmaq üçün deyil, hər gün qəbul edilməsi tövsiyə ediləndir.

 

Paylaşdı: Ramin Cabbarly

Mənbəə: Deyerler.org

Bir cavab yazın

This site uses Akismet to reduce spam. Learn how your comment data is processed.

Spelling error report

The following text will be sent to our editors: