Hər kim Peyğəmbərin (s), İmam Əlinin (ə), Həzrət Fatimənin (s.ə) yanında olmaq istəyirsə, İmam Hüseynin (ə) ziyarətini tərk etməsin

Həzrət Peyğəmbər (s) buyurur: “Oğlum Hüseyn (ə) elə bir məmləkətdə torpağa tapşırılacaqdır ki, ona Kərbəla deyərlər. Allah Həzrət Nuhun (ə) möminlərinə orada tufandan nicat vermişdir”.

İmam Əli (ə) Kərbəla torpağına xitab edərək buyurur: “Nə xoşbəxtsən ey torpaq! Qiyamət günü səndən elə bir qəbilə qalxacaqdır ki, hesab vermədən behiştə gedəcəkdir”.

İmam Səccad (ə) buyurur: “Kərbəla torpağı Qiyamət günü mirvari ulduz kimi parıldayar və nida verər ki, mən – Allahın müqəddəs torpağıyam. Şəhidlərinin rəhbərini və behişt cavanlarının sərvərini əhatə edən pak və mübarək torpağam”.

İmam Sadiq (ə) buyurur: “Kərbəla – Beytul-müqəddəs torpağındandır”.

İmam Sadiq (ə) buyurur: “Kərbəla torpağı və Fərat suyu ilk torpaq və ilk sudur ki, Allah Təala ona şərafət bəxş etmişdir”.

İmam Sadiq (ə) buyurur: “İmam Hüseynin (ə) qəbrinin qapısı – behişt qapılarındandır”.

İmam Sadiq (ə) buyurur: “Kərbəlanı ziyarət edin və bu işə davam edin. Çünki Kərbəla, peyğəmbərlərin (ə) ən yaxşı övladlarını ağuşuna almışdır”.

İmam Baqir (ə) buyurur: “Əgər insanlar İmam Hüseyn (ə) hərəmini ziyarət etməyin fəzilətini bilsəydilər, onun şövqündən ölərdilər”.

Həmran nəql edir ki, İmam Hüseyn (ə) hərəmini ziyarət edib qayıdan zaman İmam Baqir (ə) məni görməyə gəldi və buyurdu: “Ey Həmran! Sənə müjdə verirəm ki, hər kim Ali-Muhəmməd (s) şəhidlərinin qəbirini ziyarət edər, bu işdə məqsədi Allah razılığı və Peyğəmbərə (s) yaxınlaşmaq olarsa, günahlarından pak olar, o gün kimi ki, anasından təzə doğulmuşdur”.

İmam Sadiq (ə) buyurur: “Hər kim Qiyamət günü nur süfrəsinin başında əyləşmək istəyirsə, gərək İmam Hüseyn (ə) zəvvarlarından olsun”.

İmam Sadiq (ə) buyurur: “Hər kim Peyğəmbərin (s) qonşusu və İmam Əlinin (ə), Həzrət Fatimənin (s.ə) yanında olmaq istəyirsə, İmam Hüseynin (ə) ziyarətini tərk etməsin”.

İmam Sadiq (ə) buyurur: “Əgər sizlərdən hər biriniz bütün ömrünüzü həcc ehramı bağlasanız, ancaq İmam Hüseyni (ə) ziyarət etməsəniz, Rəsulallahın (s) haqqını tərk etmiş olarsınız. Çünki Hüseynin (ə) haqqı – İlahi vacibat və hər bir müsəlmana vacibdir”.

İmam Sadiq (ə) buyurur: “Hər kim ölənə qədər İmam Hüseynin (ə) ziyarətinə getməzsə, imanı natamam və dini naqis qalar. Behiştə getsə də, oranın möminlərindən aşağıda olacaqdır”.

İmam Sadiq (ə) buyurur: “İmam Hüseynin (ə) ziyarətini tərk etmə. Dostlarına və yoldaşlarına bunu tövsiyə et ki, Allah ömrünü uzun və ruzini çox etsin. Allah səni səadətlə sağ saxlayar və ölməzsən, məgər şəhadətlə”.

İmam Sadiq (ə) buyurur: “Allah hər kimin xeyirxahlığını istəsə, Hüseynin (ə) və ziyarətinin sevgisini qəlbinə salar. Allah hər kimin pisliyini istəsə, Hüseynin (ə) kin və qəzəbini və ziyarətinin qəzəbini qəlbinə salar”.

İmam Rza (ə) buyurur: “Hər kim İmam Hüseynin (ə) hərəmini ziyarət edər, o kəs kimi olar ki, Allahı ziyarət etmişdir”.

İmam Sadiq (ə) buyurur: “Hər kim İmam Hüseyni (ə) Aşura günü ziyarət edər, behişt ona vacib olar”.

İmam Sadiq (ə) buyurur: “O kəs ki, Aşura gecəsini İmam Hüseyn (ə) hərəmi kənarında səhər edərsə, Qiyamət günü Allah dərgahına qanına qəltan olmuş halda tələsər. O kəs kimi olar ki, Kərbəla meydanında İmam Hüseynin (ə) kənarında öldürülmüşdür”.

Mənbə: Deyerler.org

Bir cavab yazın

This site uses Akismet to reduce spam. Learn how your comment data is processed.

Spelling error report

The following text will be sent to our editors: