Haradan bilək, Əhli-Beytin (ə) davamçısıyıq, yoxsa yox?

Bir nəfər müsəlman xanımına deyir: “Peyğəmbərin (s) qızı Fatimənin (s.ə) yanına get və mənim haqqımda ondan soruş ki, mən onların davamçısıyam, yoxsa yox?”. Xanımı Həzrət Zəhranın (s.ə) yanına gəlir və soruşur.

Həzrət (s.ə) buyurur: “Ona de ki, əgər sən əmr etdiyimizə əməl edirsənsə və qadağan etdiyimizdən çəkinirsənsə, sən bizim davamçılarımızdansan. Əks halda – bizim davamçımız deyilsən”.

Həmin kişinin xanımı evə gəlir və Həzrətin (s.ə) buyurduqlarını ona söyləyir. Kişi deyir: “Vay olsun mənə! Kim günah və xatadan uzaqdır?! Onda mən bu halda həmişəlik olaraq cəhənnəmdə olacağam. Çünki o kəs ki, onların davamçısı olmaz, həmişə cəhənnəm atəşində olar”.

Xanımı yenə Həzrət Zəhranın (s.ə) xidmətinə gəlir. Ərinin sözlərini banuya çatdırır. Həzrət Fatimə (s.ə) buyurur: “Ona de ki, güman etdiyi kimi deyildir. Bizim davamçılarımız behiştin ən üstün insanlarıdır. Hər kim bizi sevər, dostlarımızı sevər, düşmənlərimizin düşməni olar, qəlbi və dili ilə iman gətirər, əgər əmr və qadağalarımızla müxalifətlik edərsə bizim davamçımız olmaz. Baxmayaraq ki, behiştə gedər. Ancaq o zaman ki, bəla və çətinliklər vasitəsilə günahları pak olar və ya Qiyamət səhnəsində müxtəlif çətinliklərlə və ya cəhənnəmin giriş təbəqəsində əzab olaraq pak olar, bizə olan məhəbbətinə görə cəhənnəmdən nicat verərik və öz yanımıza gətirərik”. (İslami saytlara istinadən)

Mənbə: Deyerler.org

Bir cavab yazın

This site uses Akismet to reduce spam. Learn how your comment data is processed.

Spelling error report

The following text will be sent to our editors: