Oruc

Sual:

ALLAHın Salamı olsun Sizə. Mən dünən ağrı hallarının artması səbəbindən məcbur olub dişimi çəkdirdim. Əməliyyat anı qanın və digər preparatların udlaqdan keçməsinə imkan vermədim. Ancaq yola çıxdıqdan sonra ictimai asayışdə narazılıq yaratmamaq səbəbi ilə tüpürə bilmədim. Bu vaxt dişdən xəfif qan gəlirdi. Orucum pozulubmu? Bunu bilmək istərdim çox xahiş edirəm.

Cavab:

Qanı udmusunuzsa, orucunuz batildir.
ALLAH Alimdir. (Sualı cavablandırdı Müctəhid: Ayətullah Sistani)


Sual:

Salam. Bir şəxs mədə ağrısı və bu kimi ağrılar səbəbindən və
aclığa taqəti çatmayıb günün hər hansı vaxtında Orucunu pozursa bunun
hökmü nədir?

Cavab:

O şəxs dözülməz vəziyyətə çatibsa, orucunu aça bilər. Lakin halını
düzəldəcək zəruri miqdarda yesin və sonra axşam azanına qədər orucu
batil edən işlərdən çəkinsin.
ALLAH Alimdir. (Sualı cavablandırdı Müctəhid: Ayətullah Sistani)


Sual:

Sualım xəstəlik halında oruc tutmaqla əlaqədardır. Mən xəstəyəm, oruc tutanda vəziyyətim ağırlaşır və həkim də oruc tutmağıma icazə vermir. Amma oruc tutmaq istəyirəm. Bilmək istərdim ki, oruc tutsam orucum səhihdir?

Cavab:
Xəstə insanın oruc tutmasının ona ziyanı varsa (xəstəliyin çoxalmasına səbəb olarsa və yaxud müalicənin zamanını uzadarsa, yaxud da ağrını çoxaldarsa) oruc səhih deyil. Söz yox ki, onların hamısında ziyan o qədər olmalıdır ki, adətən ona dözmək olmur. Ziyanı olacağına əminliyinin ya da gümanının olmasının hökmdə heç bir fərqi yoxdur. Hətta ehtimal etsə belə hökm eynidir. (Söz yox ki, bu ehtimal qorxuya səbəb ola biləcək formada olmalıdır. Bu ziyan qorxusu da aqil insanların nəzərində qəbul edilən formada olmalıdır, misal üçün həkim rəyi ya təcrübə ya bu kimi yollarla) Xəstə sağalandan sonra həmin günün qəzasını tutmalıdır. Kəffarə ona vacib deyil. Əgər xəstəlik gələn ilin Ramazan ayına qədər davam etsə, qəza da boynundan götürülür. O, hər gün üçün 750 qram (yemək) çörək və ya makaron və ya buğda və bu kimi qidaları bir fəqirə (yoxsula) fidyə verməlidir.
Demək, nəinki xəstəliyin meydana çıxmasına yəqini olan şəxsin, hətta xəstəliyin meydana çıxacağından qorxuya düşən sağlam adamın da orucu səhih deyil. Amma oruc tutmağın ziyanı olmayan xəstə mütləq oruc tutmalıdır və orucu səhihdir.

(Sualı cavablandırdı Müctəhid: Ayətullah Sistani)


Sual:

Mən işləyirəm. Orucluqda oruc tutub işləmək mənim üçün çətindir. Bəzən zəiflikdən halım pisləşir. İşləməsəm də ailəmin tələbatını ödəyə bilmirəm. Vəzifəm nədir?

Cavab:
Əgər oruc tutmaq dolanışığın asılı olduğu işə mane olursa, məsələn, o qədər zəifliyə (halsızlığa) səbəb olur ki, işə o halda davam etmək mümkün deyil ya dözülməz susuzluğa səbəb olursa, digər tərəfdən mübarək ramazan ayında iş yerini dəyişmək və ya işə çıxmamaq mümkün olarsa və dolanışığını digər pulla hərçənd borcla davam edə bilərsə, oruc tutmaq ona vacibdir. Bu iş mümkün olmasa, oruc tutmalıdır, amma şiddətli zəiflik hallarında vacib ehtiyata əsasən (yalnız) zərurət miqdarında su içmək ya da yemək yeməklə zəifliyi dəf edə bilər. Bu miqdardan artıq qida qəbul etməsinin eybi var. Həmçinin vacib ehtiyata əsasən günün qalan hissəsini imsak etməlidir. Ramazan ayından sonra da qəzasını tutmalıdır və kəffarə ona vacib deyil.

(Sualı cavablandırdı Müctəhid: Ayətullah Sistani)


Sual:

Qızım təzə həddi-buluğa çatıb. Zəif olduğundan oruc tutmaq onun üçün çətindir. Sualımız budur ki, olarmı ki, ramazan ayında oruc tutmasın və qış aylarında orucun qəzasını tutsun?

Cavab:
Zəiflik, hətta çox olsa belə öz-özlüyündə orucu yemək üçün əsas vermir və hər gün oruc niyyəti etməlidir. Amma məşəqqətə (adətən dözmək mümkün olmayan çətinliyə) səbəb olarsa, bu halda (yalnız) zərurət qədər yemək və içmək caizdir. Amma vacib ehtiyata əsasən günün qalanını imsak etmək lazımdır. Ramazan ayından sonra isə qəzasını tutmaq lazımdır. Kəffarə vacib deyil.
(Sualı cavablandırdı Müctəhid: Ayətullah Sistani)

Saytın materiallarından istifadə edərkən halallıq üçün istinad vacibdir!

Bir cavab yazın

This site uses Akismet to reduce spam. Learn how your comment data is processed.

Spelling error report

The following text will be sent to our editors: