Novruz bayramının əməlləri

İmam Sadiq (ə) buyurur: “Novruz – elə bir gündür ki, Allah bəndələrindən əhd almışdır ki, ancaq tək olan Allaha pərəstiş edəcəklər. Ona şərik qoşmayacaqlar, rəsullara, İlahi hüccətlərə, İmamlara (ə) iman gətirəcəklər. Bu, o gündür ki, Nuhun (ə) gəmisi Cudi dağında oturmuşdu”. (Tebyan)

Həzrət Cəfər Sadiq (ə) başqa yerdə buyurur: “Növruz – o gündür ki, İbrahim Xəlil (ə) bayram keçirmək üçün şəhərdən çıxmış millətin bütlərini sındırmışdı”.

Bu hədislərdən belə nəticə çıxartmaq olar ki, Novruz, İslam dinindən əvvəl də möhtərəm və ehtiram olunası bir gün olmuşdur. İslam dini gələndən sonra isə şöhrəti daha da artdı. Bu bayramın əməlləri İslam dininin təlimləri ilə ziddiyyət təşkil etmədiyindən, Məsumlar (ə) tərəfindən bəyənilmiş və qəbul edilmişdir.

 

Dəyərli oxucularımıza bu bayramın əməllərini təqdim edirik. Novruz bayramının əməllərini İmam Sadiq (ə) Muəlla ibn Xənisə öyrətmişdir. Biz də “weIslam.az” olaraq, İmam Sadiqin (ə) bu çatdırışını oxucularımızın diqqətinə çatdırırıq. Bu əmməllər aşağıdakılardan ibarətdir:

1. Qusl etmək.

  1. Ən təmiz paltarı geyinmək.
  2. Ən gözəl ətirlərlə ətirlənmək.

  3. Oruc tutmaq.

  4. Bu günün namazını qılmaq.

Bu günün namazı 4 rəkətdir. Bu namaz zöhr, əsr namazları və onların nafilələri qılınandan sonra qılınır.
Birinci rəkətdə “Həmd” surəsindən sonra 10 dəfə “Qədr” surəsini;
İkinci rəkətdə “Həmd” surəsindən sonra 10 dəfə “Kafirun” surəsini;
Üçüncü rəkətdə “Həmd” surəsindən sonra 10 dəfə “Tövhid” surəsini;
Dördüncü rəkətdə “Həmd” surəsindən sonra 10 dəfə “Fələq” və “Nas” surələrini oxumaq lazımdır.
Salamlardan sonra isə şükür səcdəsi edib, aşağıdakı duanı oxuyursan:

اَللّهُمَّ صَلِّ عَلى مُحَمَّدٍ وَ الِ مُحَمَّدٍ الاْوْصِيآءِ الْمَرْضِيِّينَ

Allahım, Muhəmməd və Ali-Muhəmmədə öz salamını göndər

وَعَلى جَمِيعِ اَنْبِيآئِكَ وَرُسُلِكَ بِاَفْضَلِ صَلَواتِكَ وَبارِكْ

Bütün nəbilərinə və rəsullarına ən gözəl salam və bərəkərini ver,

عَلَيْهِمْ بِاَفْضَلِ بَرَكاتِكَ وَصَلِّ عَلى اَرْواحِهِمْ وَاَجْسادِهِمْ اَللّهُمَّ

onlların ruhlarına və cisimlərinə (cəsədlərinə) öz salamatlığını ver.

بارِكْ عَلى مُحَمَّدٍ وَ الِ مُحَمَّدٍ وَبارِكْ لَنا فى يَوْمِنا هذَا الَّذى فَضَّلْتَهُ

Allahım, bu günümüzdə Muhəmməd və Ali-Muhəmmədə və bizə Öz bərəkətini əta et,

وَكَرَّمْتَهُ وَشَرَّفْتَهُ وَعَظَّمْتَ خَطَرَهُ اَللّهُمَّ بارِكْ لى فيما اَنْعَمْتَ بِهِ

Hansı ki, bu günü fəzilətli, kəramətli, şərafətli və əzəmətli etmisən. Allahım, məni nemət verdiyin şeylərdə bərəkli et,

عَلَىَّ حَتّى لا اَشْكُرَ اَحَداً غَيْرَكَ وَوَسِّعْ عَلَىَّ فى رِزْقِى يا ذَا الْجَلالِ

Bil ki, Səndən başqasına sitayiş etmərəm, elə isə Öz nemətini mənim üçün artır, ey, Cəlal və Kəramət sahibi.

وَالاِْكْرامِ اَللّهُمَّ ما غابَ عَنّى فَلا يَغيبَنَّ عَنّى عَوْنُكَ وَحِفْظُكَ وَما

Allahım, mənim üçün gizli olanlara dözərəm, amma Sən köməyini məndən kəsmə.

فَقَدْتُ مِنْ شَىْءٍ فَلا تُفْقِدْنِى عَوْنَكَ عَلَيْهِ حَتّى لا اَتَكَلَّفَ ما لا

Allahım, itirdiyiklərimə dözərəm, amma Sən öz köməyini məndən kəsmə.

اَحْتاجُ اِلَيْهِ يا ذَا الْجَلالِ وَالاِْكْرامِ

Yoxsa ehtiyacım olmadığı halda, gərək olmadığı halda əziyyətə düşərəm.

Əgər bu cür edilsə, insanın 50-illik günahları bağışlanar. Bunndan əlavə, bu gün çoxlu sayda “يا ذَا الْجَلالِ والاِْكْرام”
zikrini demək lazımdır.
Mənbə: “Məfatihul-Cinan”

(Arxivdən)

Saytın materiallarından istifadə edərkən halallıq üçün istinad vacibdir! Əks halda halallıq verilmir!

Bir cavab yazın

This site uses Akismet to reduce spam. Learn how your comment data is processed.

Spelling error report

The following text will be sent to our editors: