Leylətül-Rəğaib və ya Arzular Gecəsi

Rəcəb ayının ilk cümə gecəsi leylətül-rəğaib yaxud arzular gecəsi adlanır.  Bu il Rəğaib gecəsi martın 22-si şam azanında başlayır və martın 23-ü sübh azanında bitir. Həzrət Peyğəmbərdən (s) nəql olunan hədisdə deyilir ki, mələklər bu gecəyə “arzular gecəsi” deyər. Digər hədisə əsasən, bu gecə edilən ibadət ölümdən sonra bir nur kimi canlanar və Qiyamətə qədər insanı tənhalıq və qorxudan qoruyar.

Rəğaib gecəsinin savabına çatmaq üçün rəcəb ayının ilk cümə axşamı günü (22 mart) oruc tutulur, cümə gecəsi daxil olduqdan sonra (22 mart məğrib azanından sonra) məğrib və işa namazları arasında on iki rükət (altı dəfə iki rükətli namaz) namaz qılnır. Hər rükətdə 1 dəfə “Həmd”, 3 dəfə “Qədr” və 12 dəfə “Qul huvallahu əhəd”surələri oxunur.

On İki rükətlik namaz bitdikdən sonra 70 dəfə “Allahummə səlli əla Muhəmmədinin-nəbiyyil-ummiyy və əla alihi” deyilir (tərcümə: “İlahi, hamıya peyğəmbər olaraq göndərilmiş Məhəmmədi və onun soyunu xeyir-bərəkətinlə ucalt”).

Sonra səcdəyə gedib 70 dəfə “Subbuhun quddusun Rəbbul-məlaikəti vər-ruh” deyilir (tərcümə: “Mələklərin və Ruhun Rəbbi eybsiz və müqəddəsdir”).

Sonra səcdədən başını qaldırıb 70 dəfə “Rəbbiğfir vərhəm və təcavəz ‘əmma tə’ləmu innəkə əntəl ‘əliyyul ə‘zəm” (tərcümə: “Ya Rəbb, bağışla və rəhm et, barəmdə bildiklərinə baxmayaraq güzəşt et. Axı Sən uca və əzəmətlisən!”)

Sonra isə yenidən səcdəyə gedilir və bir daha 70 dəfə “Subbuhun quddusun Rəbbul-məlaikəti vər-ruh” deyilir (tərcümə: “Mələklərin və Ruhun Rəbbi eybsiz və müqəddəsdir”).

Bundan sonra Allaha istənilən dua ilə müraciət olunur.

Mənbə: hacishahin.az

 Saytın materiallarından istifadə edərkən halallıq üçün istinad vacibdir! Əks halda halallıq verilmir!

Mətndə səhv tapmısınız? Sözü seçib Ctrl+Enter klikləyərək bizə göndərin! Əvvəlcədən təşəkkür edirik!

Bir cavab yazın

This site uses Akismet to reduce spam. Learn how your comment data is processed.

Spelling error report

The following text will be sent to our editors: