Məhəmmədtağı Behcət (r.ə) ağadan istiğfar namazı

Ağa Behcət (r.ə) bizlərə gözəl bir namaz tövsiyyə edir. Bu namaz istiğfar namazıdır. Ağa buyurur ki, mən bu namazı bir gün də olsa, tərk etməmişəm. Namaz 2 rükətdir, eynilə sübh namazı kimi qılınır. Yalnız istiğfar kəlmələri əlavə edilir.

Qılınma qaydası belədir:
Niyyət : İstiğfar namazı qılıram, qurbətən iləllah.
Təkbirdən sonra Həmd və İxlas surəsini oxuyuruq. Ardınca 15 dəfə “Əstəğfirullahə” deyirik. Sonra rukuya gedib, ruku zikrindən sonra 10 dəfə “Əstəğfirullahə” deyirik. (Yəni ruku vəziyyətində deyirik). Sonra rukudan qalxıb yenə 10 dəfə qiyam vəziyyətində deyirik. Sonra səcdəyə gedib səcdə zikrindən sonra (səcdə halında) yenə 10 dəfə “Əstəğfirullahə” deyirik. Sonra başımızı qaldırıb 10 dəfə bu zikri deyirik. Daha sonra 2-ci səcdəyə gedib yenə 10 dəfə bu zikri təkrar edirik. Sonra səcdədən qalxıb yenə 10 dəfə “Əstəğfirullahə” zikrini deyirik. Və qalxırıq 2-ci rükətə. İkinci rükətdə də eynilə birinci rükət kimi qılınır. Və ikinci rükətin 2-ci səcdəsindən qalxıb həmin zikri 10 dəfə dedikdən sonra Təşəhhüd və salamları deyib namazı bitiririk. Deməli, hər 2 rükətdə Həmd və İxlas Surələrindən sonra “Əstəğfirullahə” kəlməsi 15 dəfə, rukuda və rukudan qalxanda, səcdələrdə və səcdələrdən qalxanda 10 dəfə “Əstəğfirullahə” deyilir. Mənə elə gəlir ki, qaranlıq bir məqam qalmadı, tam aydın yazdım. ALLAH qəbul etsin.

Paylaşdı: Dəyərli oxucumuz Xuraman Nəcmi

 Saytın materiallarından istifadə edərkən halallıq üçün link ilə istinad vacibdir! Əks halda halallıq verilmir!

Mətndə səhv tapmısınız? Sözü seçib Ctrl+Enter klikləyərək bizə göndərin! Əvvəlcədən təşəkkür edirik!

2 Şərh

  • Salam, əzizlərim. Çox sağ olun, təşəkkür edirəm. Allah sizdən razı olsun. Əgər bu namazdan heç olmasa bir nəfərin tövbəsi qəbul olsa, xoş mənim də, sizin də halınıza. Allah hamılıqla bizi Əhli-Beytin(ə) həqiqi davamçılarından qərar versin, inşallah. Allahın nəzəri üstünüzdən əskik olmasın.

Bir cavab yazın

This site uses Akismet to reduce spam. Learn how your comment data is processed.

Spelling error report

The following text will be sent to our editors: