İslamda baş və bədənin sidr və xətmi bitkiləri ilə yumağın fəziləti

Həzrət Əmirəlmö`minin əleyhissalam buyurmuşdur ki, başı yumaq çirkləri təmizləyib göz ağrılarını aradan aparar. Paltarı yumaq isə insandan qəm-qüssəni uzaqlaşdırar və bu iş namaz üçün təmizlikdir. O həzrət yenə buyurub: Özünüzü həmişə su ilə yuyub pak edin ki, başqaları sizin bədəninizin pis iyindən əziyyət çəkməsinlər. Daim öz bədəninizin təmiz olmasına çalışın. həqiqətən ALLAH taala bədəni kəsafətli və iyli olan və başqaları onun yanında oturmaqdan əziyyətə düşən şəxsləri düşmən tutar.
Başı sidr və xətmi ilə yumağın çox böyük fəziləti vardır. həzrət Peyğəmbər (səlləllahu əleyhi və alihi və səlləm) öz başını həmişə sidr yarpağı ilə yuyar və buyurardı:

Başınızı sidr yarpağı ilə yuyun, çünki müqərrəb mələklər və mürsəl peyğəmbərlər ondan paklıqla ad aparıblar. həzrət buyurur ki, hər kəs başını sidr yarpağı ilə yuyarsa ALLAH taala yetmiş gün şeytanın vəsvəsəsini ondan uzaq edər. Əgər bir kəs yetmiş gün şeytanın vəsvəsəsindən uzaq olarsa ALLAH qarşısında günah etməz və hər kəs ALLAH qarşısında günah etməsə cənnətə daxil olar.
Başı sidrlə yumaq qəm-qüssəni yox edib ruzinizi çoxaldar. Lakin xətmi deyilən bitki ilə başı yumaq insanı yoxsulluqdan xilas edər və insanın qəlbini genişləndirər. həmçinin hər cümə günü başı xətmi ilə yumaq insanı ruhi xəstəliklərə düçar olmaqdan və dəri xəstəliklərindən qoruyar. hər kəs hər cümə günü belə edərsə savabı bir qul azad etmiş insanın savabına bərabərdir.

Mənbə: ismayiln-off.blogspot.com

Bir cavab yazın

This site uses Akismet to reduce spam. Learn how your comment data is processed.

Spelling error report

The following text will be sent to our editors: