Əzəməti bir ölçüyə sığmayan Fatimeyi-Zəhranın (s.ə) şəhadət günləridir

Əyyami-Fatimiyyə ərəb dilindən tərcümədə “Fatimə günləri” deməkdir.

İslam mənbələrinə istinadən xəbər  verir ki, Həzrət Fatimənin (ə) şəhadəti rəvayətlərə görə iki tarixdə qeyd edilir. Bir rəvayətə görə, o həzrət atasının vəfatından 75 gün sonra, digər rəvayətə görə 95 gün sonra dünyasını dəyişib. Bu hesabla Xanımın vəfatı cəmadiyül-əvvəl ayının 13-də və cəmadiyüs-sani ayının 3-də qeyd edilir. Bu ikisinin arasındakı 20 günə “Əyyami-Fatimiyyə” deyirlər.

Həzrəti Zəhranın şəxsiyyəti haqqında çox mütəfəkkirlər fikirlər söyləmiş, lakin yenə də əzəməti bir ölçüyə sığmayan bu qadının böyüklüyünü təyin etməkdə aciz qalmışlar.

Allah-Təalanın Qurani-Kərimdə fəzilətini bəyan etməsi və Allah Rəsulunun dəfələrlə Fatimənin məqamını müsəlmanlara çatdırması Peyğəmbərdən sonra Fatiməyə olunan müsibət və əziyyətlərin qarşısını almağa mane olmur.

Peyğəmbərin (s) vəfatından dərhal sonra o pak və kamil xanım çox həyat sürə bilmədi. Əksər tarixçilər Xanımın 18 yaşında şəhid olmasını qəbul edirlər.

Xanım Fatimənin qəbri hələ də dövrümüzə qədər gizli qalır.

Biz də Xanım Fatimeyi Zəhranın şəhadət günləri ilə bağlı bütün müsəlmanlara  başsağlığı veririk!

Mənbə: İnteraz

Saytın materiallarından istifadə edərkən halallıq üçün link ilə istinad vacibdir!

 

Bir cavab yazın

This site uses Akismet to reduce spam. Learn how your comment data is processed.

Spelling error report

The following text will be sent to our editors: