Bayram kimi tanınmamasına baxmayaraq böyük bayramlardan biridir. Allah taala öz bəndələrini, öz ibadət və itaətinə çağırır. Öz ehsan və bəxşiş süfrəsini onların üzünə açmışdır. Şeytan bu gün ən zəlil, xar və hirsli gününü yaşayır.
Bu günün bir neçə əməli vardır. Onlardan bəziləri:
- Qüsl almaq. Daha yaxşı olar ki, qüsl zöhrdən biraz öncə alınsın.
- İmam Hüseynin (ə) ziyarəti. Min həcc, min ümrə və min cihaddan daha üstün savaba malikdir. Bu gündə o həzrətin ziyarətinin fəziləti barədə hədislər saysız-hesabsızdır.
- Oruc tutmaq.
- Əsr namazından sonra Ərəfə dualarına məşğul olmazdan əvvəl iki rükət açıq səma altında namaz qılsın, birinci rukətdə Həmddən sonra İxlas, ikinci rukətdə isə həmddən sonra Kafirun surələri oxunsun. Ərəfatın savabına nail olub günahları bağışlansın deyə, Allah dərgahında öz günahlarını etiraf və iqrar etsin. Sonra imamlardan rəvayət olunan əməllərə və Ərəfə dualarına məşğul olsun.
- Daha sonra 4 rukətli namaz qeyd edilir. Hər rukətdə Həmddən sonra 50 dəfə İxlas surəsi oxunur.
Ardıyca isə Ərəfə günü oxunulan dua və zikrlər mövcuddur. - İmam Hüseynin “Ərəfə” duası. Xüsusilə bu günü Ərəfatda olmaq nəsib olan kəslərə aiddir. Digər şəxslər də savab ümidi ilə oxuya bilərlər.
Dualar haqqında daha ətraflı məlumat üçün “Məfatihul-cinan” kitabına müraciət edin.
Mənbə: Bəsirət Az
Saytın materiallarından istifadə edərkən halallıq üçün istinad vacibdir!