Möminin imanı hər nə qədər çox olarsa, ailəsindəki rəftarı və əxlaqı da daha gözəl olar. Hər kəsin imanının artması həyat yoldaşı ilə gözəl rəftarla rabitədədir. Ailə sağlam olarsa, cəmiyyət də sağlam olar. (Tebyan)
Məsumların (ə) kəlamlarına nəzər salan zaman görmək olur ki, dinimiz ərlə arvadın münasibətlərinə xüsusi əhəmiyyət verir. Özü inkişaf etməklə yanaşı, övladının və həyat yoldaşının da mənəvi inkişafı üçün şərait yaratmış olar.
Həzrət Peyğəmbər (s) buyurur: “İman cəhətdən ən yaxşı insan o kəsdir ki, gözəl əxlaqa malik olar, ailəsinə qarşı mehriban olar. Mən ailəmə qarşı sizlərdən ən mehribanıyam”.
Həzrət Peyğəmbər (s) buyurur: “İman cəhətdən ən kamil mömin o kəsdir ki, əxlaqı gözəl olsun və sizlərin ən yaxşısı o kəsdir ki, xanımı ilə yaxşı olsun”.
İmam Sadiq (ə) buyurur: “Güman etmirəm ki, imanda insanın xeyiri çox olar, məgər o halda ki, xanımına sevgisi çox olar”. Yəni, imanı çox olan insanın xanımına sevgisi də çox olar.
Həzrət Peyğəmbər (s) buyurur: “Qardaşım Cəbrayil (ə) daima mənə qadınlara yaxşılıqlar etməyi tövsiyə etmişdir ki, mən güman edirdim ər xanımına “uf” belə deyə bilməz. O, deyirdi: “Ey Muhəmməd! Qadınlarla bağlı İlahi təqvaya riayət et. Çünki onlar sizin üçün köməkdir. Onları ALLAHın əmanəti kimi alın. İlahi kəlamların, kitabının, sünnətinin, Muhəmməd (s) şəriətinin vasitəsilə sizə halal olublar. Ona görə də onların sizin üzərinizdə vacib haqları vardır. Bədənləri sizə halal olmuşdur. Rəhmlərində sizin övladınızı həml edər, o zamana qədər ki, gözünüz övlad sahibi olmaqla aydın olar. Onlara mehribanlıq və şəfqət göstərin. Qəlbərini pak edin, qadınları narahat etməyin, onlara qəzəblənməyin. Onlara verdiklərinizi onlardan geri almayın, məgər onların razılığı ilə””.
Həzrət Peyğəmbər (s) buyurur: “Hər bir saleh qadın ki, ALLAHa bəndəlik edər, vacibatları yerinə yetirər, ərinə itaət edər – behiştə daxil olar”.
İmam Əli (ə) buyurur: “Saleh qadın min nəfər saleh olmayan kişidən daha üstündür. O qadın ki, yeddi gün ərinə qulluq edər, cəhənnəmim yeddi qapısı üzünə bağlanar və behiştin səkkiz qapısı üzünə açılar. Hansı qapıdan istəsə, behiştə daxil olar”.
Bu hədislərdən belə nəticə çıxartmaq olar ki, imanın nişanəsi yaxşı həyat yoldaşı olmaqla sıx rabitədədir. Hər bir qadınla kişi ALLAHın təyin etdiyi qanunlara əməl edərlərsə, həm dünyada xoşbəxt olarlar, həm də axirətlərinə azuqə apararlar.
