Sual və cavab formasında
- Quran neçə surədən ibarətdir?
- Quran 114 surədən ibarətdir. 114 surə isə ümumilikdə, 6.236 ayə, 77.277 kəlmə və 3.211.250 hərfdən ibarətdir.
- Surələrin neçəsi Məkkədə, neçəsi Mədinədə nazil olub?
- Quranın 86 surəsi Məkkədə, 28-i isə Mədinədə nazil olunub. Hicrətdən əvvəl nazil olan surələrə Məkki, hicrətdən sonra nazil olan surələrə isə Mədəni surələri deyilir.
- Quranın ən böyük və ən kicik surəsi hansılardır?
- Quranın ən böyük surəsi “Bəqərə” (286 ayə), ən kicik surəsi isə “Kövsər” surəsidir (3 ayə).
- Peyğəmbərə (s.ə.s) iki dəfə nazil olan surə hansıdır?
- Peyğəmbərə (s.ə.s) iki dəfə nazil olan surə “Fatihə” surəsidir (“Fatihə” surəsi bir dəfə Məkkədə, bir dəfə Mədinədə nazil olub).
- Quranın ilk və son surəsi hansılardır?
- Quranın ilk surəsi “Fatihə” , son surəsi isə “Nas” surəsidir.
- Quranın hansı surəsi “Bismillahir-Rəhmanir-Rəhim” ayəsi ilə başlanır?
- Quranın 114 surəsindən biri (“Tövbə” surəsi) istisna olmaqla, bütün surələri “Bismillahir-Rəhmanir-Rəhim” ayəsi ilə başlanır. Lakin “Nəml” surəsində “Bismillahir-rəhmanir-rəhim” ayəsindən iki yerdə istifadə olunduğundan onların sayı yenə də 114-ə çatır.
- Quranın neçə surəsi müqəttəə hərfləri ilə başlanır?
- Quranın 29 surəsi müqəttəə hərfləri ilə başlanır.
- “Quranın qəlbi” və “Quranın gəlini” surələrdir?
- “Quranın qəlbi” “Yasin” surəsi (36-cı surə), “Quranın gəlini” isə “Rəhman” surəsidir (55-ci surə).
- Quranın neçə surəsi “Qul” (De!) əmr feli ilə başlanır?
- Quranın 5 surəsi “Qul” (De!) əmr feli ilə başlanır:
1) “Cin” surəsi (72-ci surə)
2) “Kafirun” surəsi (109-cu surə)
3) “İxlas” surəsi (112-ci surə)
4) “Fələq” surəsi (113-cü surə)
5) “Nas” surəsi (114-cü surə).
- Vacib səcdə ayələri olan surələr hansılardır?
- Vacib səcdə ayələri olan surələr bunlardır:
1) “Səcdə” surəsi (32-ci surə)
2) “Fussliat” surəsi (41-ci surə)
3) “Nəcm” surəsi (53-cü surə)
4) “Ələq” surəsi (96-cı surə).
- Qiyamət mənasını verən surələr hansılardır?
- Qiyamət mənasını verən surələr bunlardır:
1) “Rəd” surəsi (13-cü surə)
2) “Casiyə” surəsi (45-ci surə)
3) “Vaqiə” surəsi (56-cı surə)
4) “Həşr” surəsi (59-cu surə)
5) “Təğabun” surəsi (64-cü surə)
6) “Qiyamət” surəsi (75-ci surə)
7) “Nəbə” surəsi (78-ci surə)
8) “Zəlzələ” surəsi (99-cu surə)
9) “Qariə” surəsi (101-ci surə).
- Üsuliddindən və Firuiddindən birinin adı verilən surələr hansılardır?
- Üsuliddindən birinin adı verilən surə “Tövhid”, Firuiddindən birinin adı verilən surə isə “Həcc” surəsidir.
- Ayələrinin sayı məsum imamların sayı qədər olan surə hansıdır?
- Ayələrinin sayı məsum imamların sayı qədər olan surələr “Təlaq” və “Təhrim” surələridir. (Hər iki surənin ayələrinin sayı 12-dir).
- Həftənin günlərindən birinin adı verilən surə hansıdır?
- Həftənin günlərindən birinin adI verilən surə “Cümə” surəsidir (62-ci surə).
- Hansı surəyə alimin silahının adı verilmişdir?
- Alimin silahının adı verilmiş surə “Qələm” surəsidir (68-ci surə).
- “Mim” hərfi istifadə olunmayan surə hansıdır?
- “Mim” hərfi istifadə olunmayan surə “Kövsər” surəsidir (108-ci surə).
- “Fa” hərfi istifadə olunmayan surə hansıdır?
- “Fa” hərfi istifadə olunmayan surə “Fatihə” surəsidir (1-ci surə).
- ALLAHın sifətləri ilə başlanın surələr hansılardır?
- ALLAHın sifətləri ilə başlanan surələr bunlardır:
1) “Nur” surəsi (24-cü surə)
2) “Fatir” surəsi (35-ci surə)
3) “Rəhman” surəsi (55-ci surə)
4) “Əla” surəsi (96-cı surə).
- Quranın neçə surəsinə peyğəmbər adı verilib?
- Quranın 6 surəsinə peyğəmbər adı verilib.
1) Yunus (10-cu surə)
2) Hud (11-ci surə)
3) Yusif (12-ci surə)
4) İbrahim (14-cü surə)
5) Məhəmməd (47-ci surə)
6) Nuh (71-ci surə).
- Quranın neçə surəsinə heyvan adı verilib?
- Quranın 5 surəsinə heyvan adı verilib.
1) “Bəqərə” (dişi inək, 2-ci surə)
2) “Nəhl” (bal arısı, 16-cı surə)
3) “Nəml” (qarışqa, 27-ci surə)
4) “Ənkəbut” (hörümçək, 29-cu surə)
5) “Fil” (fil,105-ci surə).
Saytın materiallarından istifadə edərkən halallıq üçün link ilə istinad vacibdir! Əks halda halallıq verilmir!