Sübh namazını əvvəl vaxtında qılmağın əhəmiyyəti

Namazda süstlük etmək və sübh namazına dura bilməmək imanın zəifliyindən irəli gəlir. Əlbəttə, bəzilərimiz bu haldan
əziyyət çəkirik. Kamil insan bizim üçün bir ideal və hədəfdir.

Sübh namazını əvvəl vaxtda qılmaq başqa namazlardan daha
çətindir. Çünki isti yataqdan və şirin yuxudan ayılmaq insanı
bu işdən saxlayar. Lakin namazqılan bir qədər təmrin edərək,
bunun öhdəsindən gələ bilər.
Həzrət Peyğəmbər buyurur: “Elə bir bəndə yoxdur ki, namazın
vaxtına və günəşin vəziyyətinə əhəmiyyət verər, məgər o
halda ki, ölən zaman rahatlığı, qəm və qüssənin aradan
getməsini və atəşdən nicat tapmağı onun üçün zəmanət
edərəm”.
Sübh namazını qəza etməyin müxtəlif səbəbləri vardır. Bu
amillərdən biri budur ki, insan həyatının hədəfini bilməz, din və
ibadət nə üçündür və bu hədəfə çatmağın nə faydaları vardır
kimi. O kəslər ki, həyatlarında hədəfə malikdirlər, bilir ki, niyə
dindardır.
İnsan – ALLAHın yer üzündəki nişanəsidir. Bir ömür fürsəti
vardır ki, bu nişanəni felə, yəni əmələ çevirsin. Hər nə qədər
ALLAHın sifətini özündə yer verərsə, ALLAHın sifətinə bürünər.
Atəşin kənarında olan dəmirə bənzəyir ki, atəşin rəngi ona
keçər.
İnsanın həyatında namaz, oruc, həcc və insanlara xidmət
etmək kimi əməllər vardır ki, insanı ALLAH rənginə bürüyər.
ALLAHın axtarışında olan insanın bütün səyi budur ki, fürsəti
əldən verməsin. Ondan ALLAH qürbünə çatmaq üçün istifadə
etsin. Sübh namazını vaxtında qılmaq da bu cür
fürsətlərdəndir.
Şeytan kimi düşmənlərimiz də çoxdur. Özümüzü tərbiyə
etməkdən başqa çarə yoxdur. Özünü tərbiyə etmək o
deməkdir ki, özünü ALLAHın sifəti olmayan hər bir şeydən
təmizləyəsən. Gərək əxlaqımız, əməlimiz, elmimiz tövhidi
olsun.
Bəzən dostlarımızla bir yerə getmək üçün səhər tezdən
görüşmək istəyir və buna görə tezdən durmağa səy edirik.
Lakin sübh namazına vaxtında dura bilmirik. Bunun səbəbi
budur ki, biz dostlarımıza verdiyimiz sözə daha çox imanımız
və biliyimiz vardır və onlarla olmağı daha çox sevirik. Lakin bu
cür imanı ALLAHa bəsləmirik və imanımız zəifdir.
Dostlarımızla olan zaman ləzzət alırıq, ancaq ALLAHla rabitə
quran zaman ləzzət almırıq. Dostumuzu xatırlayan zaman
saatı qurmadan ayılırıq. Lakin namaz üçün ayıla bilmirik. ALLAH
sevgisi insan qəlbinə girməsə, insanın imanı zəif olar. Siz əgər
sübh namazına durmaq istəyirsinizsə, gərək əvvəl ALLAH
sevgisini qəlbinizə həkk edəsəniz.

Dəyərli istifadəçimizdən.

Bir cavab yazın

This site uses Akismet to reduce spam. Learn how your comment data is processed.

Spelling error report

The following text will be sent to our editors: