Günahkarları cəhənnəmə necə daxil edəcəklər?

Ənəs ibni Malik nəql edir: “Bir nəfər Peyğəmbərdən (s) Qiyamət haqqında soruşur və Həzrət buyurur: “Həmin gün üçün nə hazır etmisən?”. Deyir: “ALLAHın və Rəsulunun (s) dostluğunu”. Həzrət (s) buyurur: “Sən o kəslə olacaqsan ki, onu sevirsən”. (Tebyan)

Əsl günahkar o kəsdir ki, Əhli-beyt (ə) vilayətindən, xüsusilə də Əmirəl-möminin (ə) vilayətindən uzaq olduğu üçün ALLAHın qəbul olmuş namazından, orucundan və xeyir işlərindən uzaq olmuşdur.

Həzrət Peyğəmbər (s) günahkar haqqında Əmirəl-möminə (ə) buyurur: “Ey Əli! Günahkar – sənin vilayətini inkar edəndir”.

ALLAH Təala bu haqda buyurur: “Və günahkarları (heyvanlar kimi) susuz (vəziyyətdə), cəhənnəmə tərəf sürərik”. (“Məryəm” 86).

Həzrət Peyğəmbər (s) bu ayənin təfsiri haqqında İmam Əliyə (ə) buyurur: “Onlar sənin düşmənlərindir və onları hesab vermədən cəhənnəmə tərəf sürərlər”.

Başqa bir ayədə oxuyuruq: “Biz günahkarlarla belə rəftar edirik”. (“Mursəlat” 18).

ALLAH Təala bu surədə peyğəmbərləri (ə), İlahi vəsiləri inkar edənlərin ağrılı əzabından söhbət açmış və sonra buyurmuşdur ki, Biz onlarla belə rəftar edərik. Musa ibni Cəfər (ə) bu ayəinin təfsirində buyurur: “O kəslər (barədədir) ki, Ali-Muhəmmədə (ə) pislik ediblər, Peyğəmbərin (s) vəsisinə o zülmü ediblər və onun haqqını qəsb ediblər”.

Quranın başqa ayəsində deyilir: “(Əmr yetişər:) «Onu tutun və qandallayın».«Sonra da onu şölələnmiş oda atıb yandırın!»”. (“Haqqə” 30-31).

“Onu tutun və zorla cəhənnəmin ortasına çəkin”. (“Duxan” 47).

“(Çünki) günahkarlar üzlərindən tanınırlar. Buna görə də onların kəkillərindən və ayaqlarından tutacaq (və cəhənnəmə atacaq)lar”. (“Rəhman” 41).

“Bu, günahkarların təkzib və inkar etdikləri həmin cəhənnəmdir”. (“Rəhman” 43).

Heç kəs özünü günahsız hesab etməsin.

ALLAH Təala “Fürqan” surəsində buyurur: (Həmin gün) ALLAHın peyğəmbəri deyəcəkdir: «Ey mənim Rəbbim! Həqiqətən mənim qövmüm (peyğəmbərliyin əvvəlindən dünyanın sonuna kimi) bu Qur’anı tərk etdi (və onun təlimlərini dərk etməkdən və ona əməl etməkdən üz döndərdi)»”. (“Furqan” 30).

Bu ayə zahirdə Quranın və ALLAHın dəvətini qəbul etməyənlərə şamil olsa da, kafirlər və müşriklər də bu dəvəti qəbul etməmişdilər. Qiyamət günü hesab verəcəklər. ALLAH Təala sonrakı ayədə Həzrət Peyğəmbərə (s) ürək-dirək vermək üçün buyurur: “Biz beləcə (insanda nəfsi istək yaratmaq, şeytanı insana vəsvəsə etməkdə azad buraxmaqla) hər bir peyğəmbər üçün günahkarlardan düşmənlər qoyduq. Sənə Rəbbinin doğru yol göstərən və yardımçı olması kifayətdir”. (“Furqan” 31).

Yəni, necə ki, günahkarı sənin düşmənin etmişik, hər bir peyğəmbər (ə) üçün öz qəbiləsində düşmənləri olmuşdur. ALLAH bu günahkarların qəlbinə günahdan möhür vurmuşdur və ona görə də haqq yolunun dəvətini inkar edənlər – həqiqi düşmənlərdirlər.

Həzrət Peyğəmbərin (s) düşmənləri o kəslərdir ki, Quranın və ALLAHın dəvətini rədd ediblər. Peyğəmbər (s) də bu ümmətinə görə ALLAHa şikayət edər.

“Biz beləcə bu Qur’anı (höccəti tamam etmək üçün, ona istehza olunmasını isə bədbəxtliklərinə uyğun olaraq) günahkarların qəlblərinə yeridərik”. (“Hicr” 12).

ALLAH Təala bu ayəsi ilə Peyğəmbərinə (s) çatdırır ki, günahkarlar Qurana iman gətirməzlər və bu məsələ keçmiş ümmətlərdə də müşahidə olunmuşdu. Onlar da haqqı məsxərə etmişdilər. Ona görə də hər birimiz bu mövzuda diqqətli olmalıyıq ki, ALLAH eləməsin, birdən haqqı məsxərə və istehza edərək, həmin günahkarların sırasına qoşularıq.

Mənbə: Deyerler.org

Saytın materiallarından istifadə edərkən halallıq üçün istinad vacibdir! Əks halda halallıq verilmir!

Bir cavab yazın

This site uses Akismet to reduce spam. Learn how your comment data is processed.

Spelling error report

The following text will be sent to our editors: